Mae'r Ganolfan Ymchwil ac Ymarfer Ymwybyddiaeth Ofalgar (CMRP) ym Mhrifysgol Bangor yn cydweithio â sefydliadau i ddylunio a chyflwyno rhaglenni ôl-radd pwrpasol, cyrsiau byr a datblygiad proffesiynol parhaus (DPP) mewn ymwybyddiaeth ofalgar. Gan dynnu ar dros ddau ddegawd o ymchwil ac addysgu arloesol, rydym yn cynnig profiadau dysgu wedi'u teilwra sy'n diwallu anghenion penodol grwpiau proffesiynol a chyd-destunau sefydliadol.
Gall ein tîm o athrawon ac ymchwilwyr profiadol ddatblygu rhaglenni sy'n integreiddio'r dystiolaeth ddiweddaraf ar ymyriadau sy'n seiliedig ar ymwybyddiaeth ofalgar, addysg a llesiant yn y gweithle. Gellir comisiynu cyrsiau pwrpasol ar gyfer lleoliadau gofal iechyd, sefydliadau addysgol, sefydliadau cymunedol, ac amgylcheddau proffesiynol eraill sy'n ceisio ymgorffori ymwybyddiaeth ofalgar yn eu diwylliant a'u hymarfer.
Gall rhaglenni a gomisiynir gynnwys addasiadau o fodiwlau ôl-radd presennol, hyfforddiant ymwybyddiaeth ofalgar ragarweiniol a hyfforddiant uwch, neu DPP wedi'i dargedu a gynlluniwyd i wella llesiant, gwytnwch a chymhwysedd proffesiynol staff. Mae'r holl addysgu’n adlewyrchu ymrwymiad y Ganolfan Ymchwil ac Ymarfer Ymwybyddiaeth Ofalgar i uniondeb, cynwysoldeb, a'r safonau uchaf o addysg sy'n seiliedig ar ymwybyddiaeth ofalgar.
Mae ein prosbectws newydd ar fin cael ei gwblhau ac ar gael i’w weld yn fuan iawn. Yn y cyfamser, mae croeso i chi gysylltu â ni i drafod comisiynu rhaglen bwrpasol drwy e-bostio Dr Sophie Sansom: s.sansom@bangor.ac.uk